老娘遊記 2018 (06 – 16 March) ＠ Day 1(06 March) – 八重勝 炸串

上左房去左個廁所就去搵野食！

本身係想去附近一間平民大阪燒，但行到去竟然休息

結果就先去左八重勝食少少野！

炸串係我覺得去大阪點都要食既野！仲要我住果頭～

雖然阿妺臨行前講過其實炸串麻麻地…

咁結果……又真係麻麻地！

好好彩去到仲有兩個位

一望我地就係遊客，比左個中文menu我地啦！

因為之後會再食野！我叫左

燒牛筋

墨魚腿

冬菇

牛柳

蠔

 

仲有啤酒汽水啦

燒牛筋 － 第一個上，佢似係燜牛筋，淋淋地，沾左層芝麻花生醬係面，味道幾特別！值得食既～

墨魚腿 － 無特別

冬菇 － 無特別

牛柳 － 好在唔係熟晒，軟淋無根但無咩牛味

蠔 － 呢個係最好食既，一炸上黎咬落去會爆汁！亦無蠔腥味～

 

另外，佢會有兜椰菜比你點汁食，我鍾意食呢個～爽爽脆脆可以清下個口，

係屋企我都可以試下整d黎當零食！

 

佢勁快上，我地又好快食晒…可能因為遊客熱點…

一食完佢就催我賣單……我坐左都無半個鐘…

同埋價錢都偏貴…咁就百幾蚊………有d肉赤！