老娘遊記 2018 (06 – 16 March) ＠ 關西 Day 5（5）錦市場閒逛及求其大阪燒晚餐 － 『錢座庵』

 

老娘遊記 2018 (06 – 16 March) ＠ 關西 Day 5（5）錦市場閒逛及求其大阪燒晚餐 － 『錢座庵』

 

還完車之後我地就坐jr番京都

有d有趣既係我地呢次唔係jr站直接買飛

而家去jr北口既街鋪，出面有部售票機，

佢既票價係比jr買平少少既！（我記得平幾十yen啦好似！）

入左錢佢就比左2張飛，

近江八幡 － 南草津

南草津 － 京都

 

我就？？？

走左入鋪問個妺妺點用

佢叫左入閘就近江八幡 － 南草津

出閘就南草津 － 京都

咁就ok！

 

我入閘就無問題既，但返到京都出閘唔知點解過唔到

之後將所有飛比晒出閘個職員，佢就比我出了！

 

返到京都大概四點幾…本來想去食中村滕吉，但醒起無行過錦市場

雖然d鋪就閂門，但諗去博下！

去到仲係勁多人…d鋪係慢慢收緊！

但多人都咩相都影唔到……同埋其實無咩真係可以細心留神咁睇！（細細聲：某人就成日一支箭走左去…行無兩步又要搵人）

最有印象係見到有對上左年紀夫妻，老婆好溫柔咁叫老公『阿娜答』

之後個老公就中左上前拖住佢去睇碗……『好‧羨‧慕！』

（不過我幻想自己開口講『阿娜答』都打左個冷震！）

 

廢話講完，行都行完…出番黎都7點

之後周圍覺左陣，再睇鐘就發現想食既餐廳已經趕唔切！因為收8點半

shit！ 個腦即時一片空白！

我就唔記得check in果時租煮食用具，想買料煮飯都唔得！

之後既時間就唔好提了……都係你係街見到人嗌交果d啦！

最後返酒店冷靜！

 

 

再去左附近唯一的食店 － 『錢座庵』食大阪燒

（本來想去鳥貴族既，但某人話唔想行咁遠！）

叫左一個普通大阪燒，一個加炒麵既大阪燒

都係果句啦，大阪燒呢d係最穩陣！

佢煎好放上鐵板一直熱住比你慢慢吃！

唔夠味又可以加紫菜粉加醬汁，一定唔會唔好食的！

同埋仲平過拉麵（好似800yen左右）

旅程中間突然out左budget想慳番d就一流！

係嫌佢椰菜有d少……如果多番d會爽脆d再好食d！

飲杯酒慢慢睇住鬼佬唱日文歌大賽…

（有個女人唱男兒當入樽主題曲，勁好聽！成個回憶番晒黎！

「安西教練！我好想打籃球」）

 

聽日就離開京都了……