大鄉里出省: 北海道道央九日八夜之旅 Day 4 - 小樽 (二)
大鄉里出省: 北海道道央九日八夜之旅 Day 4 - 小樽 (二)
其實入左去都無15分鐘就出番黎了
沿番運河行去旅遊區
循例都要係雪上寫下字，打手印
堆雪人…原來埋雪人一d都唔易的
明明細個睇卡通片，look下look下就得….
如果夜晚見到呢d雕像，都咪話唔嚇人….
其實旅遊區=手信區
大鄉里既我其實係唔知有咩好行
只係知有個得買糖同有間音樂盒店…
先去左買糖既六花亭
比我想像中平，我以為旅遊區就一定食水好深
又唔係喎(日本就係好在呢度嘛,….買得開心又放心)
就算係名物都唔會特登加價，即使佢明知貴一貴你都會買…
仲有唔只得禮物裝，仲有平裝版
岩晒我呢d唔要華麗垃圾既人…
我買左咩就無影….所以都係官網偷下圖介紹下…
朱古力士多啤梨，有黑白朱古力揀
我買左好多包，全部黑朱，因為我白朱我嫌太甜
呢個好好味，酸酸地既士多啤梨乾加甜既朱古力係岩岩好
最正係佢個士多啤梨乾係脆既!呢個真係一流~
一般你係香港食既士多啤梨乾係淋，好似杏脯咁既質地，
但佢係脆身既，一d都唔膩~真係好推薦~
佢有大裝係杯裝的，不過小家既我計過小包裝加埋係平d~
所以寧願買多d小包，自用又得，手信又得~
另外買左個酒糖，佢糖入面係有酒既~
我自己本身係買平裝板，但回來香港發現比人掉爆晒….
漏晒d酒出黎….
所以呢個我建議買禮盒，唔係貴好多
而且佢做到好似波子棋咁，超有趣!
同埋一樣要hand carry!
我有試過佢d餅…我覺得麻麻地就無買了…
聽聞六花亭有個好出名既泡芙好好食，見佢地有二樓有小吃即買買吃就走左上去
80yen一個，超平，食泡芙免費送咖啡，好彩無乜人仲有位比你坐底抖下….
真係……………….我真係開心到無言
雖然呢個唔係傳說中好食既泡芙
佢個皮其實似蛋糕，入面有吉士餡
唔甜，都ok的，細細個，一啖就食左
但對已經累到半死既某人….
呢個泡芙同一小杯咖啡可謂有起死回生之用
(最重要係我地好彩有得除底d衫坐下同執下d戰利品)
幸運地我地有機會回氣….
之後去食真正傳說中的泡芙，其實就在六花亭隔離既北菓樓
北菓樓都係買甜食既，出名既好似有年輪蛋糕
我自己試過就麻麻地…
同其他野無論包裝同味道…我都會揀番六花亭
但佢個泡芙真係幾好味，
連唔鍾意甜食既某人都覺得好好味
佢其實只係好簡單既酥皮+吉士餡
但個酥皮就算係雪櫃拎出黎都仲係脆身既
加上佢個餡….係超full
一咬就爆晒出黎，所以要小口小口吃
同埋個甜點無我想像中咁甜，起碼唔會食完好想飲野
只係165yen…很滿足…
邊吃邊走到音樂盒工坊
如無意外地好多人，
但沒有多到走不了的人潮，還好
見到好多香港人狂掃….
我望下價錢….
wow!睇下咪幾好囉~
成個裝修都好靚，老娘好鍾意木製既建築，感覺好舒服
音樂盒當然係好靚啦!~仲任比人摸比你試
(除左有d古董級)~當然你要自律啦!
但又唔會有sales用『熱情』既眼神望住你
真好!
我當係博物館咁行，好有趣!
行完梗係要係出面個鐘樓留個影
望下錶都2點幾(記憶中係…)
我要趕3點半去番jr駅坐巴士去下一個點
所以就出發行番去了
治途經過一間類似古玩店既野，見到d舊時用既滑雪用具
仲有剷雪既鏟，我地又試下鏟…好鬼辛苦的…
沒有留言: