拾貳月玖 菜遠肉片炒河(兜亂)

菜遠肉片炒河(兜亂)

材料:
牛肉-$10(同老細講要炒牛肉同埋切片)
菜心-半斤
河粉
上湯(老娘窮，搵雞粉溝熱水頂當)

- 牛肉用麻油，生抽，雞粉，糖調味(千祈唔好落鹽)。
- 再餵水，之後撈入生粉，醃半個鐘左右- 菜心摘好，洗好備用
- 起鑊，先炒河粉，撈起備用(呢個step一定要，唔係就變做湯河咁...)
- 牛肉搵油爆一爆佢，再撈起備用
- 起鑊，落菜心，炒至半熟，加上湯，蓋蓋等佢滾起
- 加牛肉，炒熟後再生粉水，調好濃度加入河粉兜混，上碟。