老娘遊記 2018 (06 – 16 March) ＠ 關西 Day 1– 酒店篇: FP HOTELS South-Namba

出發到達大阪已經晚上，

所以無咩行程但可以講下間酒店，間酒店係新今宮，

（google 圖片）

由南海電鐵或者JR新今宮站出一條直路行2分鐘就到，

而玉出超市就係站既另一邊，一出就有！

價錢約 ＄512一晚！

Book果陣係貪佢新開！

book完先發現佢係荻之茶屋附近，治安唔太好！都有d驚！

但住後發現可能因為都算近近地天王寺同難波，其實除左舊d，多d大叔之後，都無乜野

我試過12點幾自己沖完涼濕住個頭踢拖行去玉出都無事！（因為都好多台灣旅客係呢邊住，凌晨都好多喼來喼去！）

當然無心齋橋難波梅田咁方便啦！不過服務質素都搭夠！

第一次check in，reception係女仔黎！佢就送左2張3GB SIM CARD比我，話做緊promotion！呢個真係超荀，佢本身話張卡用到12號，so far最後可以用到15號！

同埋女士有得揀d浴室用品好似face wash呀night cream之類啦！

不過我去完京都之後再入住，reception係男仔就無了！

另外佢每個星期都有攪唔同活動，我第二次checkin係星期一，撞正係ice-cream night，2100-2300可以去餐廳食雪糕，

之後星期三就係章魚丸之夜，都幾有趣！食食下仲有同你影即影即有，之後比番你！幾窩心～

入到房其實都係差唔多啦，地方唔大，我帶左28吋同25吋喼，只可以開到一個！

床都唔太硬，唔會訓完腰骨痛！其實都無咩特別！

不過佢無水送，係住多過一日，你選擇唔執房先有2支水比你！呢樣有d奇怪！

同埋有兩樣野係超級唔好，亦係令我應該唔會再揀既原因

第一，佢個雪櫃供電係跟房卡，即係你一出門個雪櫃就唔凍了！基本上同無雪櫃用無咩分別！
第二，佢既keep luggage只可以即日，即係你check out果日既00：00前你要拎番走！
過夜每日要收錢，我唔記得係咪好似每日500yen，但因為我之後去其他地方stay成個星期，我就即刻拎走晒d行李， 

我之前間間都有得比我keep幾日……就算係東京都得…我多數去旅行都會轉唔同酒店，

最後再返同一間，咁樣令我好麻煩！

不過除左呢樣，間酒店係好新同配套都唔錯！ 如果你地會日日返大阪都可以諗諗佢！但我就應該無下次了～