玖月拾壹 木糠布甸

 

 

木糠布甸(約7杯):

 

終於比公司迫走了，攪到好唔開心。
但始終有班好同事，安慰我之餘亦幫左我好多，我答應左整木糠布甸比佢地吃。
縱使已經12點幾，

縱使我整甜品真係完全沒天份。
我亦硬著頭皮去馬...希望見得人啦!(雖然整左出黎果刻真係覺得好樣衰 )

 

材料:

馬利餅-3x塊(請預多一d，唔夠可以有得添，唔係會好大鑊)
淡忌廉 (whipping cream)-500ml
煉奶-120ml
唧袋

 

制法:

- 馬利餅用棍打成碎(有攪拌機當然最好啦，不過老娘呢d窮等人家無，將就d啦... )
- 淡忌廉用電動打蛋器打至7成企身(即忌廉狀可於cream上寫字)
- 加入煉奶，再打至8成企身(其實我唔覺得7成同8成有咩分別...因為我怕打得太耐會變水，所以略略打左陣就算)
- 之後將cream入唧袋，以一層馬利餅碎，一層cream的方式疊高到你想要的程度即可。

 

唔好以為好簡單，我整到一頭煙 。

 

tips:
- 淡忌廉一定要夠凍才能打起, 所以一定要放係在雪櫃, 臨打一刻才取出，建議可置於冰/凍水中打，會更易打起。
- 如果有攪拌機請一定要用攪拌機將馬利餅打成粉，唔係其實做唔到柔滑的木糠質感，變左粗糠...