台北、台中、清境七日六夜黑仔之旅 day 1(一)

9-May(Mon)

07:00: 香港國際機場 à 台北

今日要坐09:50 的飛機去台灣，一早就去機場check-in，

我事先已經上網做好簽證，但我竟然不記得某人的出生地是中國，不是香港…

結果…要等地勤幫我send個case去台灣即時批…..才可以給我們登機…

沒辦法啦，唯有去食個早餐先，我都沒什麼心情吃…因為怕趕唔切班機…下一班要十一點幾呀!!  

 

都無心情去搵野食…求其去櫃檯隔離既大快活食左個糯米雞+粥餐，都要成三十幾蚊….好貴呀!!!  

   

食完9點到拿拿臨去櫃檯問下o唔ok…..

終於ok趕得切，地勤小姐仲已經幫我地寄埋行李，very good!!!!!  
我地可以開開心心咁出發…不過不幸既事係陸續有黎…..
 

 

一點都不好吃的飛機餐，薑雞飯....只吃了兩口。  

 

11:15: 台北桃園機場

我地好準時咁就落左機，仲第一個拎到行李走呢!

因為我想趕14:00既台鐵去台中，又要去酒店寄存行李，所以要極速去atm提款+去中華電信買上網plan(因為我去七日，大哥大得5日揀…所以選擇左中華，收得都叫ok…不過不失啦!)

 

我地差唔多12:30攪掂晒d野，極速去國光客運買車票，又咁好彩即時有車走…

(多謝有個伯伯肯同我調位，等我可以同某人坐!  )

 

如無意外地，我地13:15左右去到微風商旅放低左d行李，就衝去台北車站買14:00既火車票…

 

之後去7-11買d野做lunch，我發現台北d 7-11既野係幾好食，尤其係個溫泉蛋(多謝hkdiscuss 既網友介紹)，某人一吃就愛上了，結果走果時買左勁多做埋手信。

 
我覺得不錯吃，但某人覺得IKEA更好....可能是我對酸瓜醬情有獨鍾吧!

 

 

非常好吃的溫泉蛋.....中間是糖心呢!!!

 

 

 

很快地…我地16:00去到了，但不幸的是….我在坐台鐵的時候….不知怎的拉到左腳腳板底的筋脈….腳一踏地就非常痛….只有一拐一拐地走路….但為了明天可以準時上車到清境，還是咬緊牙關去南投客運買車票。

 

 

很藝術的台中月台!!如果香港也有這份心思就好!

 

 

 

最不幸的事….我地行左廿分鐘去到南投客運，發現只有當天去才有車票買…..(咁我咁辛苦去黎做咩呢….  )

好吧，既然車票買不到，咁我地就去下一站，頂好超市，因為我一早就預訂了清境民宿的火鍋晚會，但兩年前去過，其實沒什麼湯料可以用，所以我們就打算先去頂好看看有沒有火鍋湯料可以買，但我們沒有發現台中的客運是超久超久才有一班，等到我們想死的時候才有一班車，好不容易去了頂好，在門外看見收費電話，就打算打去清境民宿做確定和預訂之後星期四晚老四川火鍋。

 

結果，老四川是攪定了，清境民宿竟然找不到我的預訂資料!!!!!!!  

我嚇呆了，他叫我番聯絡電話，但我電話只做了上網package，是沒有電話號碼的呀!!!

我只有說一個小時之後再打給他….

腳底已經非常痛….民宿確定不了，我又不能買火鍋材料….

只有先回台中的酒店…..  

 

但…這個世界上…

沒有最不幸，只有更不幸….