老娘的完全DIY wedding: 我的試婚紗之路

我的試婚紗之路

第一間： Uno bridal

呢間係＄100自助任試一個鐘既！

亦係我第一次試婚紗

場大，同埋都幾舒服，有兩個試身室，

其實婚紗都唔少的，都兩列

雖然話係自助，但老闆娘知我係第一次

都落手落腳幫我揀左幾套

佢地標榜係歐美有牌子婚紗，我覺得cutting係唔錯的！

都顯瘦，lace紋好睇唔娘，亦無刻意bling bling，我好怕好多珠片呀石呀咁～

但全場適合我既款式唔多，老闆娘好多都租左出去！

其實最後只係試得4套

同埋佢全部都係大拖尾，

我本身想做簡約同一件走全場，所以唔岩！

第一件係入膊，真係好顯瘦，因為呢件我之後本身係想揀入膊款

第二件係無帶魚尾，老闆娘一見就話我好岩著魚尾，但我本來係嫌有d老氣

（而家睇番覺得呢件都好靚！）

第三件係背心款魚尾，我嫌個lace太勁，同後面係大露背，無乜安全感

第四件其實我著錯左，佢唔係背心款黎，上面既紗位係要去到膊頭邊邊的，不過呢件顯肥，可以skip！

Rate card：

租：

1件： $1480

2 件： ＄2780

3件： 3880

即時confirm: 7折（所謂即時，真係要係出門口前cfm）

－－－－－－－－－－－－－－－－－－－－－－－－－－－－－－－－－

第二間： Voilafashionhk

呢間

做 2999／2699／2299

租 1149／1349／1499 （三日兩夜）

改衫另計

呢間係同日之後去試的，係主打輕婚紗既～

本身約左1730，但去到一直係門口等上一輪既客人，等左足足九個字先有得試

最慘係老闆娘無出黎同我地講聲

仲要佢攪錯左booking，結果係兩pair人一齊試

但好巧合係另一pair係上午同我地一齊試既新娘伴娘

佢地已經試到好pro，多得佢地幫我揀同影

成件事順利左好多～

佢個場都幾細，係商場鋪頭係，只有一列婚紗，但款式幾新同幾特別的

第一件亦係我本身最鍾意既一件

因為個下擺係緞面而唔係紗，仲有得插袋

我之後睇過咁多間都係得呢間有

成件事好似好型咁，因為我想偏向wedding party，所以呢款係好喜歡

但眼尖朋友睇完相話佢個lace手工唔好，好似飛釘

令我卻步

第二件下擺本身係開叉既，而家試上身果個係另套上去試

想要呢隻款就要造了～

我個人覺得無咩特別，仲好似簡單過頭！

第三件deep v，相當顯肥，可skip～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

前兩間係我覺得幾ok既～雖然最後都無揀！

但呢兩間我個人覺得係中中地伏～

第三間：My Wedding Workshop

呢間當時係sample sales

免費2件，之後一件＄50

所以上去諗住尋下寶

但可能係sample sales，大部份婚紗都比較殘舊

第一件係遮手臂款，睇相還好，但現場感覺雖然cutting不錯，但佢個lace花紋幾娘

第二件泡泡公主款，我覺得幾好的，因為上面硬身，幾顯瘦！

奈何本人肥底，上面d byebye 肉出晒黎

第三件係老闆娘/職員推介，再一次話我著魚尾好睇

但上身有條濛面超人bling bling腰帶我真係接受唔到

同埋現場睇條裙都幾黃

所以最後都係睇唔岩既～

＄＄方面，因為sample sales，大概都係幾百至千幾一件，但而家應該唔係呢個＄＄，所以無參考價值！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

第四間：Lamira Bridal

單租婚紗折後$1584😊

可無限次轉款

我記得呢間係免費試4件的！

試左兩日發現自己一個同男友係無可能做到決定

因此就捉左毒舌fd一齊睇

呢間我本身有d期望

上到去場地都好大，但婚紗只有一列，款式不多

但著上去都係感覺麻麻地

第一件係紗紗背心款，側面誇啦啦，但前面因為lace既問題，上身好肥

第二件係背帶款，毒舌fd一見就『你唔可以著吊帶！』

因為吊帶令我本來橫既膊頭更橫了！ 但側面還是很不錯的！

最後都係紗紗魚尾款，後面的拖尾散開很美的

但毒舌fd提醒呢款紮起拖尾行兩行就會飛埋一邊，拿埋一束的

呢間好多都係露背款，即是不能穿girdle，sales話要由呢一刻開始著束腰褲……

聽完我就卻步喇～

－－－－－－－－－－－－－－－－－－－－－－－－－－－－－－－－－－－－

最後一間喇！

Own yours wedding

試到呢一刻其實都身心俱疲

所以我你好希望係呢間揀到，好彩呢間堅係正野黎！

一上到去個場超級大，有兩個fitting，係分得好開，同每一個fitting既空間都好夠，旁邊仲有sofa比朋友坐住等！

而家款都比較多，單係婚紗都有三列！

一去到老闆娘就叫我坐底，問左好多野

例如係鍾意咩款，唔鍾意咩款，影左pre wedding未，去邊度影

wedding係咩型式等等，

問完就直接按你心中所想推介左幾款！

之後就比我地揀，我無咩心水，都係毒舌fd揀～

第一條魚尾款，一試出黎我已經好喜歡

因為都幾顯瘦，同埋佢個lace花紋係行vintage style，無閃閃，中正我心所想

（＄2100）

第二條 ironman公主款

其實呢件都好靚，影出黎效果係最好，因為佢硬！～

會令你個身形好出～但太公主﹐同埋現場睇個ironman裝甲實在太奇怪！

所以pass！

（＄唔記得，好似都係二千頭）

第三條遮臂公主款

其實我本身係揀呢件，因為最平！

款又唔錯，但毒舌fd話感覺普通

無咩驚喜！平平無奇

所以pass

（好似＄1300）

第四條背心款

毒舌fd其實一致覺得呢件我著得最好睇

因為最顯瘦！ （包得最多！）

cutting最好，我個人本身都幾喜愛！

但因為我全場只著一件

感覺魚尾好似無咁大舊，所以最後都係揀左魚尾（一黎感覺好似特別d，二黎間間試既staff都話我著魚尾好睇……又話唔係個個著到！所以都係耳仔軟！（自我感覺良好！））

（＄2300）

做製衣既毒舌fd話呢間既cutting係咁多間最好，detail位lace位既造工都唔錯！呢個價錢真係超級抵！

即場cfm買既可減200，另外租既話好似7折價錢咁上下

我最後決定買，因為＄＄唔貴同埋我會去台灣影prewedding，所以想帶埋過去做backup！