蔥油拌麵 Noodles with Dried Scallion Oil【老娘的草根飯堂】

蔥油拌麵 Noodles with Dried Scallion Oil
呢個都係之前巴絲打提議我做的！
蔥油拌麵係我其中一樣至愛，只僅次於酸辣粉
我好少有一個麵食可以多多都食得晒的！
唔知大家有無去過“長發“食豉油王撈麵
呢個拌麵絕對有過之而無不及！
蔥一落鍋炸已經香到不得了！
加埋甜豉油真係世界級
～而且成本好平，又易整，
一次過食一樽仲可以慢慢食！
要食果時淥個麵餅，加兩羹撈一撈就攪掂！仲方便過喜達！

材料：（麵的份量是兩人份，醬汁的份量可以用最少4-6碗麵了）
上海扁麵 1個 （其實甚麼麵也可以，沒所謂的！）
蔥 130g （大概就是街市一束束的兩束）
蒜 3瓣
油 100ml
生抽 100ml
老抽 100m
l糖 3小匙

做法

蒜頭先拍散，去皮，切碎

蔥洗淨去根部，切段備用



熱鍋下油，看見油起紋下蒜頭，小火把蒜頭炸至焦黃色，撈起只留起油
（這個是為了油有蒜香）


下蔥段，用中小火炸至焦黃色，炸到有點脆身

一次過下生抽跟老抽，這時會起大泡，小火拌至消泡

加入糖，小火煮融，離火待涼燒沸水，下麵條，加蓋煮2分鐘

之後把麵條隔水，下3大匙蔥油拌勻即成