拾月玖 咸蛋蒸肉餅(電飯煲連飯蒸法) 配 白灼津白

咸蛋蒸肉餅(電飯煲連飯蒸法)

呢個岩晒懶人/放工返屋企煮飯既朋友，一次過整好兩味，再加個菜就可以成為一餐了。

材料:
咸蛋 - 一隻
碎豬 - 8蚊(其實係街市買5蚊就好....我整得太多了，當然到時就要減去咸蛋份量啦!)


醃料:(碎豬)
生抽
雞粉
糖
胡椒粉
麻油
生粉

煮法:

- 醃碎豬肉
- 醃至半小時後，洗米煲飯(先行放入蒸架)
- 之後拿起已醃的碎豬再撻番入碗(最好用個大d既碗，唔係會撻到周圍係 )，撻佢十次度
- 之後加入咸蛋白，將成餅豬肉放上蒸碟上，再係中間挖一個窿，將咸蛋黃將於其中。
- 當電飯煲開動近十分鐘就開蓋放入豬肉。
- 等電飯煲煲好跳掣就可以一同食用。