老娘遊記 2018 (06 – 16 March) ＠關西 Day 11（2) 雞soba座銀

買左一袋二袋就先返酒店執野，check out先，keep好行李再出去食lunch

呢次係去group友介紹既心齋橋超正雞白湯拉麵雞soba座銀

（原來香港都有開，但貴成倍！）

一路行街一路去到，已經有條小人龍

中間仲有個小插曲，話說排到我地先知原來要一早係門口個機仔買飛

果時先知我地無散紙！而機仔又唔收大紙

果下我即刻叫某人比張大紙我，跑左去對面間零食屋求其買左包糖打散

好彩唔洗排過隊！

我地兩個都係一樣叫左雞soba（850YEN）加燻玉子(100YEN)

睇圖已經知無得彈……唔講以為係豆乳湯tim

單係構圖已經好似一幅畫咁！

呢幅畫真係好食到喊！

佢個雞湯底係逐碗湯連骨同攪拌機打完再隔渣，加上雞肉＆叉燒各一片、薄薄既脆炸牛蒡同埋個麵加埋真係……完美！

雞湯超濃，濃到似忌廉雞湯，有點似食沾麵，但飲晒成碗湯都唔會覺得油膩！

炸牛蒡係視覺享受，超靚！浸一浸雞湯食亦相當美味！

燻玉子更加無得輸！燻製味道唔突出，亦不流心，但有d凝固既糖心蛋我更愛！

毫無疑問，呢碗係我食過最鍾意既拉麵！沒有之一，只恨我無叫大碗！

但為呢個旅程劃下一個完美既句號！

BLOG ARCHIVE