老娘遊記 2018 (06 – 16 March) ＠ 關西 Day 7（2） 阿倍野展望台 ＆ 鰻魚飯晚餐 『雙葉』

 

老娘遊記 2018 (06 – 16 March) ＠ 關西 Day 7（2） 阿倍野展望台

 

返到大阪天王寺大概6點半左右，我揀天王寺落一黎近番酒店

二黎我要去阿倍野拎環球VIP手帶，連埋上去展望台睇夜景

 

雖然拎住兩個大喼，但因為落車處係正阿倍野隔離

所以都算幾方便唔辛苦

去到reception佢仲可以免費寄存行李

（之後我仲出去食埋晚飯先番黎拎行李！方便好多！）

兩手fingfing就可以去睇夜景

我本身對城市既夜景係麻麻地（我始終覺得維港最靚！（暫時都仲係，唔知將來會唔會痴線到填鬼埋佢！））

而且因為天氣唔好，好厚雲，睇唔到日落，不過佢入夜之後會有好多投影區，幾無聊都幾得意既！就咁齋睇條馬路就好悶喇！

行行下見到外面有一班人企左係天台唔知做咩

我以為佢地玩吊索之類啦，之後要『試』烏低扒係欄桿同仰後……

之後諗住應該黎料！

 

點知原來『試』已經係活動既全部，之後就無之後喇！

好攪笑！

  

睇完夜景，唔想番酒店再出黎。

所以唔拎行李住，去左附近搵食

係鰻魚飯同串鳥之然！

 

 

 

結果鰻魚飯羸左！因為易搵d！係商場地庫！

 

鰻魚飯鋪頭名叫 雙葉

係炭燒既鰻魚飯，門口已經見到師傅係度炭燒緊！

 

可惜無我想像中咁好食！

我叫左兩個細飯（1620yen未連稅） 加個鰻魚玉子燒

先上左鰻魚玉子燒……個蛋唔係好嫩！雖然見到鰻魚…但又唔係好食得出…

可能唔多啦！

之後上個飯

細飯其實只有1／3尾鰻魚，不過份量我係ok既！

跟飯有鰻魚肝湯！呢個我幾鍾意！唔腥～

但個飯就…太濃味，我無另外落汁，但都係濃味左d

我唔係好食得到鰻魚同炭燒既味道

相比起我係天周既穴子天丼，天周係食到穴子既鮮味

但呢度我只係食到較為軟淋既鰻魚肉，但就食唔到鰻魚既味道

可能佢無我想像中咁厚身啦！亦同我想像中既味道有出入

所以有d失望！

不過又咁講，百幾蚊港紙既炭燒鰻魚飯，仲要係大阪天王寺區

都唔可以有太高要求既！