老娘遊記 2018 (06 – 16 March) ＠ 關西 Day 6（2）南紀白濱

老娘遊記 2018 (06 – 16 March) ＠ 關西 Day 6（2）南紀白濱 

匆匆食完，就仆住上車！

出發去酒店！

酒店其實相當唔錯，之後食飯再介紹

上房時比我發現原來酒店有得租單車！哈哈！

之前我仲糾結買唔買巴士pass！

有單車就可以輕鬆出發！

安頓完就落reception租單車，果時大概2點半度啦！

本身想租到7點，睇埋個日落

可惜因為reception 5點就閂，所以只可以租到5點

同意左就比左鎖匙自己去酒店門口攞車，

單車就一定無波啦，同埋係有d舊同生鏽

不過操作良好，都無咩問題既！

因為有單車，我地可以隨意停好多點，又唔洗等巴士

真係好！

 

係千疊一落大斜坡就係白良濱海水浴場！即係沙灘啦！

一大片沙灘，水清沙幼就一定！不過天氣都凍，我地無打算落水

 

係沙灘行左陣，望下海﹐影下相就出發去円月島

踩單車其實十幾二十分鐘就到！同埋一路平路，相當好踩

円月島就係島中間有個海蝕洞，聽講日落時個太陽會落到去個窿度

果日其實個天無雲，睇日落一流

可惜我地要還車！只能睇一陣就走啦！（不過就算要我係果度等日落又真係幾悶既！）

 

去完円月島，我地就回程，最麻煩係海水浴場後要上番個上斜坡先番到酒店

唯有慢慢推車啦！天氣好又唔凍其實都無乜野既！

見有個後生女真係踩上去…真心佩服！

 

返去還完車我地就行去千疊敷，

雖然我未去過東平州，但我覺得同東平州應該好似（正如我無去既三段璧，睇相我覺得同東龍島好似）

去到千疊敷，見到好多人係千疊敷上面刻字，

果刻第一次覺得，原來日本人都會咁…

 

雖然等唔到日落，但都影到大大個太陽

整個千疊敷其實一大片，都幾壯觀同幾好行！

有時間係度坐下望下海都幾舒服！

 

玩完千疊敷就要返酒店，因為晚餐好早，五點半就開始吃！