老娘遊記 2018 (06 – 16 March) ＠ 關西 Day 9（1）環球影城1日遊

 

老娘遊記 2018 (06 – 16 March) ＠ 關西 Day 9（1）環球影城1日遊

 

今日去環球影城玩，

因為之前大安旨意買左vip 入場手環，諗住唔洗咁早啦！

我6點半出門口（其實已經好早）

去買左幾舊飯糰就出發，大概7點半度去到

用多人已經形容唔到，係勁多人！密密麻麻全部都係人頭

（某人前幾日先講起原來果日白色情人節！）

因為我地買左vip 入場手環，就去左studio west度排隊

到左8點左右就有人黎check飛，之後入左去shop度等開門

原來所謂既vip入場手環即係早左check 飛，同其他人一齊開門衝既時間唔洗check咁解！

某人既同事原來咁岩同一日去，佢就6點去到！排第三個！

我又唔可以叫大家唔好買vip，但比我揀多次，我會寧願買express pass或者咩都唔買！

 

到8點3一開門……全世界一齊衝！ 用繁忙時間既金鐘已經唔夠形容

直情好似末日片有怪獸或者海嘯係後面，大家逃亡咁！

旁邊仲有d職員叫你『奸爸爹』！後面係d後生仔係度尖叫！

我覺得自己有d靈魂出竅！

 

個腦一片空白咁衝到去哈利波特世界…HP值其實已經無左一半

因為買左vip手環同埋博老命咁跑！哈利波特係唔洗排隊既

但我唔知係咪我太索氣或者副3d鏡太耐花左

其實成個畫面好濛…我最有印象係捉金色波波阿哈利轉頭同你講日文…

不過我都係好驚既，未回氣又受驚，已經無咩力水！

之後就再去玩final fantasy 果個VR game，已經要排個半鐘…

 

之後按次序好似玩左蜘蛛俠，minions，過山車，大白鯊，史力加4d，最後番左去哈利波特世界影相同埋玩左個小朋友過山車

最癲係minions排左兩個鐘…過山車都排兩個鐘

 

蜘蛛俠：係幾正既！幾刺激但又唔會拋黎拋去，同埋就算唔明日文都知佢做緊咩，排緊隊果時有d佈置可以影下相消磨時間

 

minions： 排左兩個鐘…最後入去企左好耐睇佢個日文開場白，之後坐上架車拋左幾十秒就完左，玩完我都呆左：咦，完左喇？

 

過山車：我唔敢玩倒頭，玩正常，但都係超得人驚！因為佢得一個架拍落黎，心口無野按實你，瘋狂衝落去果d離心力真係好得人驚！我驚到合埋眼，但合埋眼係仲驚！ 玩完我直情有d想嘔…

 

本身我係想玩飛天翼龍的…

但玩完過山車我就放棄了！

（某人同事話過山車仲驚過飛天翼龍…因為翼龍cool得好實，唔知真唔真？）

 

大白鯊： 廢就係人都知，但都要排45分鐘！ 最驚喜係最後個水花有彩虹！仲要影到，都排得值！

 

史力加4d： 我最開心竟然係睇史力加4d，雖然都要排隊，同埋講日文，但成件事係睇得明，笑位都笑得出，

同埋佢d效果驚喜得黎又唔驚！

 

 

 

之後再去番哈利波特影相！

 

到我夜晚7點準備走既時候，過山車條龍尾仲要排3個鐘！真係痴左線！

玩完呢一日既Usj……我想唔認老都唔得！

排隊排到我條血長期閃紅燈…

呢類活動對我黎講果然係太辛苦！

或者排係旅行開頭既時間會好d……