老娘遊記 2018 (06 – 16 March) ＠ 關西行程篇: 電動單車遊京都 2 & 京都勝牛

 

Hea完休息夠就再出發

其實無乜地方特別想去，係想去鴨川踩下車，

所以就出左去鴨川，由鴨川上上賀茂神社

鴨川真係無敵舒服！踩車一流，無人，寬闊，直路爆踩半個鐘唔洗停！

而且天氣凍凍地，蒼蒼涼涼咁！好好feel～

不過踩得耐泥路，dun到個pat同條腰好痛

其實上到上賀茂神社都差唔多，小貓三四隻（其實我而家諗番點解唔去鴨川神社而走左去上賀茂）

入去打左個圈…影左兩張相就走左

又爆踩番去新京極！（個pat爆痛！）

去新京極既原因係因為有位泊車﹐100yen 3粒鐘都幾抵！

（京都係好少地方有免費單車泊，尤其四条附近，同埋聽聞捉違泊捉得好嚴，千祈唔好以身試法）

 

行左陣街街，就出發去食之前plan左既京都勝牛

我一直都好想試吉列牛，上網見到張相已經流晒口水

網上面講到好吸引，只係炸60秒就上碟！

去到都要排隊，但唔係等左好耐

我同某人分別叫左普通牛set（1380yen） 同國產牛set（1980yen）

但兩碟牛牛黎到，個侍應妺妺講左一堆日文

我都係分唔到既！

但就咁望個外觀，係炸得over左少少，唔粉紅

兩款分開食落去…仍然係食唔出有咩分別

但最失望係，兩款食落去都係有渣既！

唔知係咪我唔好彩啦…因為佢係tabelog唔算低分架！

又或者朝早佰食屋太好食喇……有比較之下佢就遜色左了！

 

咁當然，一百蚊個set你又唔可以有好高要求既……

係我本身期望太高，跌落黎有d痛！

 

佢有好多種醬汁比你點，有燒肉汁、胡椒鹽、咖喱汁、wasabi等等

當中我個人最鍾意就係wasabi既，清新d～

其他我覺得令到個牛更膩…

反而佢個小麥米幾好食……攪到我想買d番香港！（但最後唔知點解無左件事！）佢係任添飯既，我見有個男人食左3大碗飯……仲未食到半份牛……好勁！我就只係添左半碗，已經飽到上心口！

 

食完飯﹐拎番架單車就返民宿，中途去family mart買甜品啤酒

本身我好想食雪糕，但無樣買得落口

最後買左個焦糖布甸，見到拎獎既

呢個要推介，好正！

個焦糖漿勁多雲呢拿籽，而且焦糖唔太甜！

布丁好滑，唔會好奶好漏！好好食！

我食完勁想買返香港做手信！但因為唔知點拎好先放棄！

而家諗番應該係機場買！蠢左！