老娘遊記 2018 (06 – 16 March) ＠ 關西 Day 5（4）– 極on9的琵琶湖畔

 

老娘遊記 2018 (06 – 16 March) ＠ 關西 Day 5（4）– 極on9的琵琶湖畔

 

食飽其實都係中午時份，無理由咁早返京都

上google map望下周邊，上面就係琵琶湖

即google map話一個鐘左右單車腳程就去到琵琶湖一個公園

見有時間，食飽又有氣有力（假像！）

我又瘋狂想係日本踩單車就試下去啦！

中間經過幾畝田，一半路程之後就去到一條自行車道！

長長一條自行車道（回程發現佢一邊盡頭係琵琶湖畔，一邊係jr站！）

兩邊全部都係櫻花樹！一定好靚，如果櫻花盛開既話！

好可惜，我地果時只得兩旁無盡既枯木！

上左自行車道，開始有少少上落斜，同埋因為逆風

踩得幾辛苦！

經過左成個鐘既車程……我地終於到左琵琶湖畔喇！

 

 

 

 

Shit！爛地黎既！

完全係出乎我意料﹐得幾棵枯木（櫻花樹）

同埋因為係湖邊，超級勁大風……

眼都睜唔開！成個園地？咩都無，只見幾隻水鴨係湖邊嘲笑我地既on9

本身我仲買左小食飲品諗住黎個小野餐！

我企左係度發呆左一陣…望住幾隻水鴨

因為好大風，開始感覺到好凍

苦笑左兩聲……『都係走啦！』

 

到達湖畔既3分鐘後，我地決定回程！

踩番自行車道，一路長去jr站

其實櫻花季來踩下係幾好，因為成條路一邊係櫻花，一邊係田野！

如果有花開係好靚，同埋應該唔多人，影相一流！

好可惜我地去錯時節！