老娘遊記 2018 (06 – 16 March) ＠ 關西 Day 4（2）– 城南宮 垂枝梅 ／ 稻荷神社

老娘遊記 2018 (06 – 16 March) ＠ 關西 Day 4– 城南宮 垂枝梅 ／ 稻荷神社

 

計劃呢次行程時，

知道櫻花前係梅花季，我地去既日子咁岩係盛開期，

雖然有得睇既地方唔多，亦唔似櫻花咁隨處都有

但有得睇既地方都相當靚

 

其實前兩日去既北野天滿宮已有梅苑，

都好靚，但相比既城南宮即時小巫見大巫，

城南宮的梅苑係垂枝梅，成個庭園都種滿梅花

加上大風飄落既花瓣，一入到去係好驚艷同浪漫！

 

亦因為城南宮比較偏遠，要坐地鐵到竹田再行20分鐘先到

（我本來想單車遊，但因為雨時大時細…所以放棄左！）

所以人唔多，外地遊客更加好似無，

唔會有大媽迫，叫囂同爬上樹影相

成件事好寧靜同舒服

可以慢慢去欣賞！

 

 

 

睇完梅花，出番梅苑咁岩見到有神女祭神儀式

雖然一粒字都聽唔到

但係幾有趣！

 

行完地南宮，本來1516返酒店定落伏見，

咁岩我搵到架巴士可以直接由城南宮去稻荷神社﹐

岩晒我個行程！

 

直接就落去稻荷神社

其實落到稻荷神社都4點，但仲係勁多人！

一路行上去神社有好多攤檔賣野食，

都係牛肉串，豬肉串，糯米糕串同章魚燒等等啦！

我見有d餓就買左串牛黎食…

um………呢d位講氣氛…唔講味道既！

 

食飽就出發上山啦，

上山時係雄心壯志要登頂既！話晒我小小地都有做運動，

以前應該ok…但唔知係咪之前太chur

條腰又痛……

結果行左一半，見少人d，即時set機影左d相

某人就話『我地仲有好多日要行……而家chur爆之後點算…』

（其實已經chur爆左！）

所以就收工落番山了。

落番山都成6點，仲有人行上山

（我覺得夜晚果度都幾恐佈！天陰陰d人真係勁！）

落山梗係去搵野食啦！