老娘遊記 2018 (06 – 16 March) ＠ 關西 Day 2 – 飲食篇: 佰食屋 壽喜燒

 

本身plan係拎左房去租單車，但無食早餐太肚餓就先去食晏

去到祗園先發現天周休息

果個勁灰！！！一黎到就踩屎！

之後諗下『伯食屋』應該係附近，雖然上網話要九點半就去拎飛！

但我又諗唔到食咩好，點都試下有無得walk in啦

竟然比我攝到位有得食，果下真係開心到叫左出黎！

我地分別叫左壽喜燒（1188yen） 同埋燒肉定食（1404yen）一齊share 

呢個價錢真係好抵食！

應該有既野都有啦！ 洋蔥、蘿蔔、燒豆腐、國產牛、麵麩、生蛋

其中麵麩令我最有驚喜，吸晒汁，佢又唔會好似麵根既質地，滑滑咁有d似豆腐，但咬落去有汁！

可惜壽喜燒個牛肉比較碎，夾左兩片之後d牛肉就唔知去左邊了！

反而某人個燒肉定食真材實料，勁多牛肉粒

燒得岩岩好，咬落勁juicy，濃濃牛肉味！

我偷左好多舊黎食！

 

呢個價錢真無咩可以投訴！

勁抵食，有機會黎京都一定要試！