老娘遊記 2018 (06 – 16 March) ＠ 關西 Day 3– 嵐山（1）

一早起身，見到個天已經唔對路

陰陰沉沉咁！

踩左架車去すき家食早餐！

我鍾意佢個秋葵，本身我對秋葵係無好 感

平時就算煮都會濃濃地味掩蓋左佢既滑潺潺

但上次去日本食過一次，將佢加蛋拌飯食，個樣係就係核突d

但食左一啖發覺又幾易入口，

同埋味道幾清新，又無臭青味，感覺自己好健康，之後就接受左！

食完去還車就坐火車去嵐山

本身其實係想租多日直接上金閣寺踩落嵐山，但睇個天覺得唔妥就放棄左，反正嵐山都有車租！

 

去到嵐山就奶野了，開始落雨，又濕又凍！

我帶得一把細細既縮骨遮！

我feel到自己塊面黑過包公！

行到去竹林之道…咩靈氣都feel唔到！因為我只係望住個遮頂

只係feel到好x凍！

過左竹林之凍，去左小火車果程住左陣等雨細d

行左落去常寂光寺…打左個圈！

其實唔係好知自己想點

因為我好想踩單車！再行番去我係網上面搵到100yen一日果間租單車店，諗住睇下可唔可以租，順便買埋雨褸，周圍踩下！點知比我搵到……佢無開！

果野真係包公都阻唔到我d黑氣！

因為真係好大雨，落番去family mart買左把大遮！（某人話買呢d可以比佢拎番香港用！）

飲杯咖啡冷靜下之後，決定食lunch！

嵐山大部份地方食野都唔平，而豆腐料理我又唔係好喜歡

最出名果間鰻魚…我唔係好捨得食

所以就搵左附近一間食大阪燒同炒麵醫肚

叫左個豚肉大阪燒同墨魚炒麵，分別都係800yen

大阪燒呢d平民野真係好穩陣，點都唔會難食

 

佢煎好炒好就會放係你前面個鐵板，慶住比你慢慢食

個feel都好正！我咁岩坐bar檯

慢慢睇住師傅料理同埋炸魚骨（for晚市我估！）

順便梳理下d心情！