老娘遊記 2018 (06 – 16 March) ＠關西 Day 2 – 電動單車遊京都 1

食飽飽我就去租單車玩！
之後有糾結過租唔租電動！
因為之前係台東舞唔掂電動車，但見d圖又見同單車無咩分別！
仲比我搵到間平野！1500yen可以租夠24個鐘，可以過夜第二日先還！
即時去馬！

原來真係用單車無咩分別﹐雖然佢有開關，但其實係auto長開的，
係你停車泊埋一邊先熄左佢慳電，唔需要話想開先開！

同埋電量好充足，我踩足一日，行左半條鴨川，食埋飯返酒店先用左一半電！
係第一下試車有d驚，因為一踩落去佢就去得好遠…唔同平時單車，但一分鐘就會適應！而且超爽，完全唔洗轉波同用力，上斜如履平地！
不過建議去之前係淘寶淘個單車手機夾，睇住google map黎行！

本身第一站去二条城，但去到發現超大！入到去有排行
我又想去睇梅花，所以兜左個圈就直接skip踩去北野天滿宮！
（中間有段小插曲，踩車途中我聽到附近有女仔喊聲，我踩慢左，之後有個女學生係小路行出黎，尖叫嚎哭，我見到佢無著鞋，我估係欺凌，我果下心有不忍，但我唔識日文，唔sure發生咩事……身邊d日本人就好似見唔到咁！某人一支箭去左好遠，我就走左……果下個心有d唔舒服……）